നടി സ്വാതി റെഡ്ഡി വിവാഹിതയായി, വരൻ തെലുങ്ക് സംവിധായകൻ

മലയാളികൾക്കും സുപരിചിതയായ നടിയാണ് സ്വാതി റെഡ്ഡി. ഫഹദ് ഫാസിൽ നായകനായ ആമേൻ എന്ന സിനിമയിലൂടെ ആയിരുന്നു സ്വാതി മലയാളത്തിലേക്ക് ചുവടുവെച്ചത്. ഇപ്പോഴിതാ നടി വീണ്ടും വിവാ​ഹിതയായിരിക്കുകയാണ്. സോഷ്യൽ മീഡിയയിൽ 'ഹിച്ച്‍ഡ്' എന്ന ക്യാപ്ഷൻ നൽകിയാണ് വിവാഹ ചിത്രങ്ങൾ നടി പങ്കിട്ടത്. തെലുങ്ക് സിനിമയിൽ സജീവമായി നിൽക്കുന്ന സംവിധായകൻ ശ്രീകാന്ത് നഗോതിയാണ് വരൻ. വരനെ പോസ്റ്റിൽ ടാ​ഗ് ചെയ്തിട്ടുണ്ട്. പോസ്റ്റിന് താഴെ നിരവധി പേരാണ് ഇരുവർക്കും വിവാഹ ആശംസകൾ അറിയിക്കുന്നത്.

പതിനാറാം വയസ്സിൽ ഒരു ടെലിവിഷൻ ഷോ ചെയ്തുകൊണ്ടാണ് സ്വാതി തന്റെ കരിയറിന് തുടക്കമിടുന്നത്. ടെലിവിഷൻ ഷോയിലൂടെ കിട്ടിയ പ്രശസ്തി അവരെ സിനിമയിലെത്തിച്ചു. 2005ല്‍ പുറത്തിറങ്ങിയ ഡെയ്ഞ്ചര്‍ എന്ന തെലുങ്ക് ചിത്രത്തിലൂടെയായിരുന്നു അരങ്ങേറ്റം. പിന്നീട് 2008ല്‍ പുറത്തിറങ്ങിയ സുബ്രഹ്‌മണ്യപുരം എന്ന സിനിമയിലൂടെയാണ് സ്വാതി താരമാകുന്നത്.2011ല്‍ ആമേന്‍ എന്ന ചിത്രത്തിലൂടെ ആയിരുന്നു സ്വാതിയുടെ മലയാളത്തിലേക്കുള്ള എൻട്രി.

2013ല്‍ പുറത്തിറങ്ങിയ നോര്‍ത്ത് 24 കാതവും സ്വാതിക്ക് വലിയ സ്വീകാര്യത നേടിക്കൊടുത്ത ചിത്രമാണ്. തുടർന്ന് നാലു ചിത്രങ്ങളിൽ കൂടി സ്വാതി റെഡ്ഡി മലയാളത്തിൽ അഭിനയിച്ചു. വിവിധ ഭാഷകളിലായി മുപ്പതോളം സിനിമകളിൽ അഭിനയിച്ചിട്ടുണ്ട്. നടിയുടെ ആദ്യ വിവാഹം മലയാളിയും പൈലറ്റുമായ പൈലറ്റ് ആയ വികാസ് വാസുവുമായിട്ടായിരുന്നു. 2020ൽ ഭര്‍ത്താവിനൊപ്പമുള്ള ഫോട്ടോകള്‍ നടി ഇന്‍സ്റ്റാഗ്രാമില്‍ നിന്ന് നീക്കം ചെയ്തതോടെ വിവാഹമോചിതയായി എന്ന റിപ്പോർട്ടുകൾ എത്തിയിരുന്നു. ഇതിനെക്കുറിച്ച് നടി എവിടെയും തുറന്ന് പറഞ്ഞിട്ടില്ല.

Content Highlights: Actress Swathi Reddy has married a Telugu director, according to reports. The wedding marks a significant personal milestone for the actress, who is known for her work in South Indian films.